8 mai 2020
5
08
/05
/mai
/2020
18:44
Partager cet article
E 1973 emeur, trede albom Simon Stokes eo. Tresadenn ar c'holoenn, savet gant Pacific Eye and Ear Show, a ziskouez meneien a-zevri gant ar jahinañ merc'hed yaouank, hep disoñjal un tamm bondage. Difennet e vo ar bladenn er Stadoù Unanet abalamour d'he goloenn (digredus !). Hag evel just e teuio da vezañ "cult" ! "Hag ar sonerezh ?" a lârit-c'hwi : ur blues-rock plijus da glevet gant pozioù fentus. "The boa constrictor ate my wife last night" pe "Should I have married Peggy Sue ?". Biker's rock kwa ! Unan eus ar sonerien garetañ e-touez an Hell's Angels.
/https%3A%2F%2F8ccc.com.au%2Fwp-content%2Fuploads%2F2017%2F10%2FFullSizeRender-300x300.jpg)
Foundations/ Tiki Lounge Remix
Exploring cultural foundations behind Music of the world, including instruments, dance, socio-political environment, cultural customs, dress, and food. Join Hosts Ilse and Moga Sunday Evenings on ...
Ha ma fell deoc'h gwelout ul lodenn eus disoc'h labour ar skolidi e istor an arzoù diwar-benn istor sonerezhioù an XXvet kantved e c'hellit mont war o lec'hienn : http://lamponed-gwened.over-blog.com/
Pellik zo n'em boa skrivet netra war ar blog-mañ met un dibenn-sizhun gleborek ha dizoloadenn pladenn diwezhañ Hurray for the Riff Raff zo bet trawalc'h evit reiñ ar c'hoant din da randoniñ em c'horn.
N'eo ket Alynda Lee Segarra nevez war ar stern, kanañ a ra abaoe un dek vloaz bennak dindan an anv Hurray for the Riff Raff, 5 albom bet enrollet ganti a-raok houmañ hag a son evel ur berlezenn.
A orin eus Porto-Rico, ganet er Bronx, he deus tremenet ul lodenn eus he bloavezhioù kentañ evel kanourez o treuziñ ar Stadoù-Unanet e trenioù, e doare an hobos, a-raok en em staliañ E New Orleañs. Evit he c'hwec'hvet albom, Alynda Lee, ar plac'h diwriziennet, he deus divizet tostaat en-dro ouzh he orinoù portorikan, dilezet ganti a-bell. Reiñ a ra ur bladenn brav-tre, "The navigator", un albom-konsept o kontañ hent ur plac'h oc'h adkavout he gwriziennoù, oc'h adkavout he sevenadur kuzhet, nac'het.
Dilezet al look hobo, dilezet an albomoù neo-americana, setu-ni en-dro er Bronx e kompagnunezh divroidi Porto-Rico. Ne c'heller ket chom hep soñjal e Patty Smith, Joni Mitchell, Cat Power, liesseurt ar referañsoù met he mouezh he deus ivez, ha pebezh hini ! Pep kanaouenn he deus un arliv disheñvel "Living in the city", "Nothing 's gonna change that girl", "Pa'lante", "Rican beach" a ro d'ar bladenn he liesseurted hag he fersonelezh. Kit d'he selaou, ne soñj ket din e voc'h dipitet !
Hag ur c'hlip a c'hellin skignañ da vugale ma c'hlas (ral int !) pa vo kaoz da sevel ur c'hlip nevez en distro-skol.
Setu neuze disoc'h diwezhañ ma lamponed diwar ur barzhoneg gant Tugdual Kalvez. N'eo ket splann ar senario marteze met diwar ar goulenn "Petra eo Breizh evidoc'h ?" e oa deuet ur bern skeudennoù Epinal (ar sistr, ar c'hrampouezh, Becassine, ar glav...). Diwar neuze eo ganet menoz un tourist o weladenniñ ar skol.
C'hoant ho peus da vousc'hoarzhin, kit 'ta da welout ar pezh a ra David Courtin gant e gi pinscher : e silañ a ra war bochedoù pladennoù mil anavezet : fentus ken ken !
En ur labourat e oan o selaou pladenn nevez Hubert-Felix Thiefaine enrollet "live", ur soner a heulian abaoe 1980, ha setu ma erru em zivskouarn "confession d'un never been" :
"Les joyeux éboueurs des âmes délabrées
se vautrent dans l'algèbre des mélancolies
traînant leurs métastases de rêves carchérisés
entre les draps poisseux des siècles d'insomnie..."
Waoohh ! Na brav ! Kas a ra soñj din ur ganaouenn all gant Bernard Lavilliers :
"Les barbares habitaient dans les angles tranchants
des citées exilées au large du business
ils rivaient leurs blousons d'étranges firmaments
où luisaient la folie, la mort et la jeunesse..."
Total respect !
Tamouezet eo goulou al leurenn, ar santimant da vezañ en ur c'habaret, degouezhout a ra Sarah Mc Coy war al leurenn, livet he daoulagad, gwisket evel ur sorserez, pe marteze ur velegez vaudou. En he c'hichen, Alyssa, ur sonerez glockenspiel, a seblant treut ken ramzel e hañval he c'henseurtez. Sevel a ra notennoù piano en aer ha da heul mouezh Sarah Mc Coy. Skoet e vezer kerkent gant he nerzh, dont a ra eus donder he askre. Ragtime, gospel, soul, ledan eo he zachenn, ha da heul skeudennoù eus an New Orleans, he bro orin, e-lec'h ma son ingal er Spotted Cat, e Frenchmen street. Dishiliañ a ra ar glockenspiel notennoù skañv, takennoù liv strewet a-zehoù hag a-gleiz evit reiñ muioc'h a levenez d'an tonioù blues. Bep daou don e krog Sarah en he boutailhad gwin evet ouzh ar gouzoug, peadra da eouliañ he c'horzailhenn emichañs ! Setu lusk ar brizonidi du o terriñ mein, lusk ar sklaved ha Sarah o kuitaat he fiano, o kenderc'hel a-capella, o kounnariñ, o roc'hal, dirak arvesterien hoalet. un abadenn a-feson en Echo Nova, ur wezh ouzhpenn !
