Overblog Suivre ce blog
Administration Créer mon blog
10 septembre 2017 7 10 /09 /septembre /2017 11:28

Ha ma fell deoc'h gwelout ul lodenn eus disoc'h labour ar skolidi e istor an arzoù diwar-benn istor sonerezhioù an XXvet kantved e c'hellit mont war o lec'hienn : http://lamponed-gwened.over-blog.com/

 

Repost 0
Published by kantread
commenter cet article
9 septembre 2017 6 09 /09 /septembre /2017 13:31

Pellik zo n'em boa skrivet netra war ar blog-mañ met un dibenn-sizhun gleborek ha dizoloadenn pladenn diwezhañ Hurray for the Riff Raff zo bet trawalc'h evit reiñ ar c'hoant din da randoniñ em c'horn.

N'eo ket Alynda Lee Segarra nevez war ar stern, kanañ a ra abaoe un dek vloaz bennak dindan an anv Hurray for the Riff Raff, 5 albom bet enrollet ganti a-raok houmañ hag a son evel ur berlezenn.

A orin eus Porto-Rico, ganet er Bronx, he deus tremenet ul lodenn eus he bloavezhioù kentañ evel kanourez o treuziñ ar Stadoù-Unanet e trenioù, e doare an hobos, a-raok en em staliañ E New Orleañs. Evit he c'hwec'hvet albom, Alynda Lee, ar plac'h diwriziennet, he deus divizet tostaat en-dro ouzh he orinoù portorikan, dilezet ganti a-bell. Reiñ a ra ur bladenn brav-tre, "The navigator", un albom-konsept o kontañ hent ur plac'h oc'h adkavout he gwriziennoù, oc'h adkavout he sevenadur kuzhet, nac'het. 

Dilezet al look hobo, dilezet an albomoù neo-americana, setu-ni en-dro er Bronx e kompagnunezh divroidi Porto-Rico. Ne c'heller ket chom hep soñjal e Patty Smith, Joni Mitchell, Cat Power, liesseurt ar referañsoù met he mouezh he deus ivez, ha pebezh hini ! Pep kanaouenn he deus un arliv disheñvel "Living in the city", "Nothing 's gonna change that girl", "Pa'lante", "Rican beach" a ro d'ar bladenn he liesseurted hag he fersonelezh. Kit d'he selaou, ne soñj ket din e voc'h dipitet !

Repost 0
Published by kantread - dans Pladennoù
commenter cet article
18 juillet 2016 1 18 /07 /juillet /2016 19:08

Hag ur c'hlip a c'hellin skignañ da vugale ma c'hlas (ral int !) pa vo kaoz da sevel ur c'hlip nevez en distro-skol.

Repost 0
Published by kantread
commenter cet article
2 juillet 2016 6 02 /07 /juillet /2016 13:01

Setu neuze disoc'h diwezhañ ma lamponed diwar ur barzhoneg gant Tugdual Kalvez.  N'eo ket splann ar senario marteze met diwar ar goulenn "Petra eo Breizh evidoc'h ?" e oa deuet ur bern skeudennoù Epinal (ar sistr, ar c'hrampouezh, Becassine, ar glav...).  Diwar neuze eo ganet menoz un tourist o weladenniñ ar skol. N'eo ket disi evel-just met a-drugarez da Philippe Lucas, ar sevener, o deus kemeret perzh er seveniñ ha desket kalz ivez a-zivout ar frammañ.

Repost 0
Published by kantread
commenter cet article
1 juin 2016 3 01 /06 /juin /2016 20:10

C'hoant ho peus da vousc'hoarzhin, kit 'ta da welout ar pezh a ra David Courtin gant e gi pinscher : e silañ a ra war bochedoù pladennoù mil anavezet : fentus ken ken !

Titou, ki e vestr !
Repost 0
Published by kantread
commenter cet article
23 avril 2016 6 23 /04 /avril /2016 12:08

En ur labourat e oan o selaou pladenn nevez Hubert-Felix Thiefaine enrollet "live", ur soner a heulian abaoe 1980, ha setu ma erru em zivskouarn "confession d'un never been" :

"Les joyeux éboueurs des âmes délabrées

se vautrent dans l'algèbre des mélancolies

traînant leurs métastases de rêves carchérisés

entre les draps poisseux des siècles d'insomnie..."

Waoohh ! Na brav ! Kas a ra soñj din ur ganaouenn all gant Bernard Lavilliers :

"Les barbares habitaient dans les angles tranchants

des citées exilées au large du business

ils rivaient leurs blousons d'étranges firmaments

où luisaient la folie, la mort et la jeunesse..."

Total respect !

Repost 0
Published by kantread
commenter cet article
23 avril 2016 6 23 /04 /avril /2016 09:24

Tamouezet eo goulou al leurenn, ar santimant da vezañ en ur c'habaret, degouezhout a ra Sarah Mc Coy war al leurenn, livet he daoulagad, gwisket evel ur sorserez, pe marteze ur velegez vaudou. En he c'hichen, Alyssa, ur sonerez glockenspiel, a seblant treut ken ramzel e hañval he c'henseurtez. Sevel a ra notennoù piano en aer ha da heul mouezh Sarah Mc Coy. Skoet e vezer kerkent gant he nerzh, dont a ra eus donder he askre. Ragtime, gospel, soul, ledan eo he zachenn, ha da heul skeudennoù eus an New Orleans, he bro orin, e-lec'h ma son ingal er Spotted Cat, e Frenchmen street. Dishiliañ a ra ar glockenspiel notennoù skañv, takennoù liv strewet a-zehoù hag a-gleiz evit reiñ muioc'h a levenez d'an tonioù blues. Bep daou don e krog Sarah en he boutailhad gwin evet ouzh ar gouzoug, peadra da eouliañ he c'horzailhenn emichañs ! Setu lusk ar brizonidi du o terriñ mein, lusk ar sklaved ha Sarah o kuitaat he fiano, o kenderc'hel a-capella, o kounnariñ, o roc'hal, dirak arvesterien hoalet. un abadenn a-feson en Echo Nova, ur wezh ouzhpenn !

Repost 0
Published by kantread
commenter cet article
2 avril 2016 6 02 /04 /avril /2016 08:01

Dec'h em boa bet tro da welout an triad 'I Me Mine" war leurenn an Echo Nova, ha, ret eo din e anzav, n'on ket bet dipitet : Paul ha Ringo evit ar Beatles, Alex evit "the clockwork Orange" : staliet eo ar c'hinkladurioù, gallout a reer kregiñ gant hor beaj psikedelik er bloavezhioù 60 gant ur meudad a ultra feulster. Adalek an ton kentañ e klever gwilc'hadennoù a bep seurt, sell Pink Floyd, ha The Who ha the Doors ha... , notennoù silet a-zehou hag a-gleiz en o sonennoù. Ledan eo ar c'haleidoskop : eus derou ar bloavezhioù 60 d'ar glam rock, n'eus ket un ton heñvel ouzh egile, dispar ! Hag ar c'hoant da dennañ 'maez ar viniloù kozh en-dro !

Fenoz e run ar Puñs.

mod all, kit da selaou o fladenn, dreist eo !

Da heul e oa Puts Marie, ur strollad suis hag a oar ivez staliañ un aergelc'h : pounneroc'h, teñvaloc'h, gant tonioù hir evel gwagennoù a lip ho treid da gentañ a-raok ho pountañ, ho malañ hag ho leuskel badaouet, noazh war an traezh !

Repost 0
Published by kantread
commenter cet article
30 janvier 2016 6 30 /01 /janvier /2016 18:06

Hep mar ebet eo Kate Tempest a selaouan ar muiañ abaoe ur bloaz, an testennoù, ar flow, ar sonerezh, netra da deurel d'ar blotoù !

Mod all e plij din atav sonerezh ar film "The wackness", evit ar re ne anavezont ket...

Repost 0
Published by kantread
commenter cet article
29 janvier 2016 5 29 /01 /janvier /2016 18:10
Ma plij ar rap deoc'h !

Evidon, rap ar bloavezhioù 90 a zo nozvezhioù tremenet e hangarioù industriel dilezet Naoned da goulz festival "Les allumés". N'on ket arbennik neuze em eus dizoloet ur bern tonioù o selaou ar "mixtape" savet gant Superfreak. N'on ket bet enoeet ha plijus eo ar keleier ar mare-se silet gwezh ha gwezh all.

Bremañ e chom atav Rhapsoldia !

Repost 0
Published by kantread
commenter cet article