Nebeut a-raok fin ar bloavezh-skol e oan en em silet dre guzh e boum dibenn-bloaz skolaj ma merc'h, daoust ma oa bet difennet groñs din hen ober ganti. Ha me hag azezañ en ur gador-vrec'h difoñset en deñvalijenn ha sellout ouzh ar re yaouank, betek bezañ merzet gant ur mignon d'am merc'h :
"Aotrou, aotrou, deuit da zañsal ganeomp.
- Ne c'hellan ket, 'mod all em bo fas-koad 'ba'r gêr !"
Hag eñ ha distreiñ war an dance-floor.
Un tregont munutenn goude, gant ma merc'h er c'harr :
" Tadig, petra 'peus lâret da Eflamm ?
- Netra ispisial, perak ?
- Lâret en deus din "Il est bizarre ton père, j'lui ai demandé de venir danser avec nous, y m'a répondu qu'il pouvait pas, sinon il aurait la gueule de bois une fois rentré à la maison ! Y a pourtant pas d'alcool !"
