Dec'h, e Bro-Spagn da 68 vloaz, eo marv Alvin Lee, Lead guitar ar strollad Ten Years After, deuet da vezañ brudet-kenañ da heul Woodstock. An hini a oa lezanvet e Bro-C'hall "ar gitarour a son buanoc'h evit e skeud" en doa anzavet e oa skuizh un tammig gant arvesterien ne c'hortozent d' e berzh nemet ma sonfe buan ha pell. Etre 1968 ha 1974 (ar bloavezh m'en doa splittet ar strollad, ken bras e oa an dizemglev etrezañ ha peurrest ar strollad, e vreur en o zouez) e oa bet Ten Years After ur strollad meur e istor ar blues rock, o leuskel meur a bladenn ha gant an doubl pladenn "Ten Years After live in europe" un testenni a-feson. Adsavet e voa ar strollad e 1988 evit un droiad nevvez met nac'h a reas Alvin Lee adkemer perzh er strollad en-dro e 2001 pa voe adsavet adarre.
