Bezañ bihan e galon

E verzet ho po, n'eo ket bet stank ar pennadoù skrivet ganin abaoe ur mizvezh : labour e leizh, programmoù skoazell hiniennel da sevel evit skolidi gant diaesterioù, o zud da welout, an noz o tont abred, an diouer a energiezh ur wezh distroet d'ar gêr... Diegi da lenn zoken... Bemnoz, tamolodet dindan ar c'holc'hed, ul lodenn eus ur stirad teneraus ha fentus war an dro ("Orange is the new black" evit ar frioù ranell) a-raok kousket kloz ha kalet... Hag adkregiñ an deiz da heul...

Ret eo skubañ bremañ, skarzhañ ar gwiskad poultrenn, tremen un traet war e groc'hen : "Kind of blue "gant Miles Davis a zereo.