"Would you let your daughter marry a Rolling Stone?" en doa embannet Andrew Loog Oldham, manager ar Rolling Stones o krouiñ war an dro ur skeudennbad guysa bego outo adalek an derou.
E 1963 e adkrog da goulz Nedeleg, pa embann ar bruderezh-mañ e unan eus ar c’helaouennoù sonerezh brudetañ e Breizh-Veur, ar Record Mirror. Perak hetiñ un Nedeleg laouen da berukennerien varnaoniet ? Ne oa ket ken hir a-se o blev d’ar c’houlz-se koulskoude ? Padal en doa korfuniad ar berukennerien saoz klemmet un nebeut mizvezhioù a-raok rak ar skouer fall roet gant ar Stones hag al levezon o doa war ar yaouankiz ne zeufe ket ken da stalioù an droc’herien-blev ma kendalc’he evel-se.
Ha peogwir emeur er bloavezhioù 60, d’ur c’houlz ma ne oa nag Ipod na tabletezenn, petra c'hoantaat evit Nedeleg ? ur Beatle evel-just !
